Датум: 8 мај 2025
Време: 13:00 – 15:00
Локација: ИНОФЕИТ, Скопје @ FEEIT Rugjer Boskovikj 18
Пријава: https://forms.gle/i2e2XZV6GUFZpCNk8
Ве покануваме да присуствувате на настанот „Пристап до финансии за успешна дигитализација“, кој ќе се одржи на 8 мај 2025 година во просториите на ИНОФЕИТ, Скопје, во организација на Солвео и Европскиот Дигитален Иновациски Хаб – ИНОФЕИТ ЕДИХ. Настанот е наменет за мали и средни претпријатија кои сакаат да ја забрзаат својата дигитална трансформација и да ја зголемат својата конкурентност преку пристап до финансиска поддршка. Преку презентации и панел-дискусии ќе добиете практични информации за актуелни фондови, програми и инструменти што се достапни за компании во Македонија и регионот.
Ќе имате можност да слушнете успешни примери, да се запознаете со главните бариери и решенија за пристап до финансии, како и да дознаете повеќе за тоа како преку ИНОФЕИТ ЕДИХ можете да добиете дополнителна поддршка за развој на дигитални проекти, обуки и пристап до мрежа на партнери. Настанот е прва можност да се вклучите во иницијативите на ЕДИХ и да ја подготвите вашата компанија за следната фаза на дигитален раст.
Зошто да присуствувате:
● Ќе добиете информации за тоа како вашата компанија може да пристапи до финансиска поддршка за дигитални проекти.
● Ќе се информирате за достапни програми, фондови и кредити кои поддржуваат инвестиции во нови технологии, дигитални процеси и иновации.
● Ќе слушнете реални примери и успешни практики за финансирање на дигитална трансформација кај компании од регионот.
● Ќе разберете како ИНОФЕИТ ЕДИХ може да ви помогне со дополнителна поддршка, обуки, советување и поврзување со релевантни фондови и програми.
● Можност да станете дел од екосистемот на ИНОФЕИТ ЕДИХ и да го забрзате развојот на вашата компанија.
ИНОФЕИТ ЕДИХ е водечка платформа за дигитална трансформација, иновации и технолошки развој во Северна Македонија. Како прв официјално признат Европски дигитален иновациски хаб во земјата, ИНОФЕИТ ЕДИХ обезбедува поддршка за микро, мали и средни претпријатија (МСП), како и за јавни институции, со цел подобрување на нивната конкурентност преку користење на напредни дигитални технологии. ИНОФЕИТ ЕДИХ е дел од европската мрежа на дигитални иновациски хабови, ко-финансиран од Европската комисија (преку Програмата за дигитална Европа 2021-2027) и Владата на Република Северна Македонија. Во следните четири години, центарот ќе обезбеди над 300 бесплатни услуги во вредност од 2 милиони евра, насочени кон дигитализација, иновации и технолошки развој. Мисијата на ИНОФЕИТ ЕДИХ е да ја забрза дигиталната трансформација на приватниот и јавниот сектор преку обезбедување експертска поддршка, инфраструктура за тестирање и експериментирање, напредни обуки и можности за вмрежување.
Солвео е консултантска компанија фокусирана на развој на иновации, претприемништво и поддршка на раст на бизниси. Како партнер во Европскиот Дигитален Иновациски Хаб – ИНОФЕИТ ЕДИХ, Солвео ја игра клучната улога во обезбедување пристап до финансиски ресурси за мали и средни претпријатија, поддршка на нивната дигитална трансформација и развој на иновации. Преку обуки, менторски програми и поврзување со инвеститори и фондови, Солвео им помага на компаниите да ги забрзаат своите иновациски проекти и да ги реализираат своите дигитални цели. https://innofeit-edih.mk www.solveo.co
Програма за настанот
08.05.2025
13:00 – 15:00
локација: ИНОФЕИТ
13:00 – 13:10 Отворање на настанот и воведен говор Иван Зографски, ко-основач на Солвео и финансиски консултант Проф. д-р Димитар Ташковски, координатор на ЕДИХ
13:10 – 13:30 Презентација од Солвео: Пристап до финансии за дигитализација (информации за достапни инструменти и практични насоки)
13:30 – 14:00 Панел дискусија: Финансии за дигитална трансформација: Инструменти, можности и поддршка за МСП модератор: проф. д-р Владимир Атанасовски, декан на ФЕИТ Маја Столевска Костадинова, Регионален координатор за меѓународно советување на Западен Балкан, Европска Банка за Обнова и Развој (ЕБОР)
Јасмина Мајстороска, Раководител на сектор за индустриска политика и општествена одговорност, Министерство за економија и труд
Татјана Марковска, Специјалист за приватен сектор, Светска банка
14:05 14:35 Панел дискусија: Финансиска поддршка – улогата на европските и меѓународни програми за равој за МСП модератор: Иван Зографски, ко-основач на Солвео Марина Нацка, НКТ за Кластер 6 Horizon Europe (Храна, биоекономија, природни ресурси, земјоделство и животна средина), Професор на Факултетот за земјоделски науки и храна (УКИМ)
Загорка Блажевска, EIT Food (Европски институт за иновации и технологии EIT Food RIS Policy Council експерт и евалуатор), извршен директор на Вита Нова
Сашка Костовска – Длака, Генерален Директор на МКPay и Консултант за пристап до финанции и платежни системи.
14:40 – 15:00 Заклучоци и неформално вмрежување