На 29ти јануари се одржа првиот kick-off состанок на проектот ИННОФЕИТ ЕДИХ, претставувајќи значаен чекор во зајакнувањето на иновацискиот екосистем на Северна Македонија и унапредувањето на нејзината дигитална трансформација.
Проектот има за цел да ја зголеми конкурентноста и одржливоста на малите и средни претпријатија и јавните институции преку поттикнување на усвојување на дигиталните технологии. Секторите кои се од фокус се паметно земјоделство и преработка на храна со повисока додадена вредност, паметни/одржливи згради и материјали, електрична опрема и машински делови (Индустрија 4.0), енергија за иднината.
Како дел од мрежата на Европски Дигитални Иновациски Хабови, ИННОФЕИТ ЕДИХ ќе нуди услуги за тестирање на технологии пред инвестирање, обуки за дигитални технологии, поддршка за пристап до финансии, советување за грантови, менторство за стартапи и можности за вмрежување. Дополнилтелно ќе овозможи прекугранична соработка и ќе ја поддржи дигиталната и зелена транзиција.
