На 29 мај 2025 година, во просториите на ИНОФЕИТ, се одржа Информативен ден посветен на услугите на ИНОФЕИТ ЕДИХ – првиот официјално признат Европски дигитален иновациски хаб во Северна Македонија.
Настанот обедини претставници од компании, јавни институции и стартапи со интерес за дигитална трансформација и иновации. Присутните имаа можност да се запознаат со бесплатните услуги што ги нуди ИНОФЕИТ ЕДИХ, како и да добијат практични совети за процесот на аплицирање и добивање поддршка.
Програмата вклучуваше презентации за мисијата и целите на хабот, преглед на достапните услуги и отворена сесија за прашања и одговори.
Информативниот ден помина во пријатна и конструктивна атмосфера, со корисни разговори и изразен интерес за понатамошна соработка и информираност.
