Овој курс им овозможува знаења на инженерите и стручните лица за имплементација и унапредување на системите за менаџирање со енергија според стандардот ISO 50001. Курсот се фокусира на користење повеќе технологии, како што се: паметни сензори, IoT, SCADA, платформи за менаџирање со енергија и вештачка интелигенција. Учесниците ќе стекнат вештини за аудити, оптимизација базирана на податоци и користење на дигитални алатки за континуирано подобрување на енергетската ефикасност.
Преглед на курсот
| Поглавје | Детали |
| Партнер | Центар за трансфер за технологии и иновации – ИНОФЕИТ |
| Наслов | Дигитални алатки и инженерски пристапи кон имплементација на ISO 50001 |
| Услуга | Курс |
| Целна група | Мали и средни претпријатија, јавни институции, менаџери за енергетска ефикасност, инженери, професионалци за одржливи решенија |
| Формат | Работилница |
| Фокус на клучни технологии | Системи за енергетски менаџмент, ISO 50001 |
| Статус | Во подготовка |
| Засегнати страни од МСП/ЈА | Институции кои се стремат кон имплементирање на стандардот ISO 50001 и кои сакаат да ја зголемат својата енергетска ефикасност |
| Барања за учество | Не се бараат напредни технички предзнаења |
| Проценето времетраење | 6 часа |
Опис на курсот
Курсот е наменет да им обезбеди на учесниците знаења и практични алатки потребни за имплементација и унапредување на системите за менаџирање со енергија во согласност со стандардот ISO 50001. Курсот е особено погоден за инженери, енергетски менаџери и професионалци за дигитална трансформација кои сакаат да ги подобрат своите стратегии за енергетска ефикасност преку современи технологии.
Обуката пружа солидна основа за основите на ISO 50001 вклучувајќи повеќе придобивки: воведување на EnMS, детална анализа на структурата на стандардот како и примената на циклусот Планирај-Прави-Провери-Дејствувај. Преку реални технички примери се објаснува како дигитализацијата го подобрува секој чекор од животниот циклус на EnMS. Учесниците ќе се запознаат со инженерски пристапи за зголемување на енергетската ефикасност преку напредни технологии, како што се: паметни сензори, интернет на нешта, дигитален близнак, SCADA, вештачка интелигенција и оптимизација базирана на податоци.
Клучните концепти за интерни аудити се детално обработени – од планирање и спроведување на аудити, до изработка на контролни листи и примена на ефективни техники на интервјуирање. Обуката исто така става акцент на употребата на дигитални алатки за документирање и следење на аудитите.
Агенда
Основи на стандардот ISO 50001
- Придобивки од имплементирање на систем за управување со енергија
- Структура и цел на ISO 50001
- Детална анализа на клаузулите и клучните барања
- Вовед во циклусот План-Дој-Провери-Дејствувај (PDCA) и неговата примена
- Улогата на дигитализацијата во поддршка на EnMS и извршувањето на PDCA
Инженерски и дигитални алатки за имплементирање на ISO 50001
- Инженерски пристапи за оптимизација на енергетските перформанси
- Паметни сензори, IoT и SCADA за прибирање енергетски податоци
- Софтверски платформи за управување со енергија
- Анализа на податоци и визуелизација за мониторинг на енергија
- Примена на дигитални двојници, симулации и ВИ за подобрување на енергетската ефикасност
Интерни аудити во системите за менаџирање со енергија: планирање и спроведување
- Влијанието на интерните аудити врз континуираното унапредување и усогласеност
- Планирање на аудит: цели, опсег и зачестеност
- Изработка на ефективна контролна листа за ISO 50001
- Спроведување на аудити: техники на интервјуирање и прибирање докази
- Користење дигитални алатки за извршување и документирање на аудити
Следење на аудит и континуирано унапредување
- Комуницирање на резултатите и добивање заложба
- Идентификација, документирање и известување за неусогласености
- Корективни дејства и следење преку дигитални платформи
- Интеграција на резултатите од аудитот во PDCA циклусот
- Користење на податоците од аудит за стратешко одлучување и унапредување на енергетските перформанси
Дополнителни информации за курсот
| Категорија | Детали |
| Вредност на услугата | Учесниците ќе стекнат знаења и вештини, вклучувајќи: |
| Вештина 1: Способност за усогласување на систем за менаџирање со енергија според ISO 50001
Вештина 2: Практично искуство со IoT, SCADA, EMS платформи и вештаќла омтелигенција за прибирање и анализа на енергетски податоци Вештина 3: Знаење за планирање, спроведување и следење на интерни EnMS аудити со употреба на структуирани контролни листи и дигитални алатки |
|
| Методи на учење | Лекции, вежби, групни дискусии и студии на случај |
| Референци/ресурси | Стандарт ISO 50001 |
| Преглед на слајдови | Презентации и дополнителни материјали; достапни преку платформата за курсот |