Преглед на курсот
| Поглавје | Детали |
| Партнер | УКЛО-ТФБ |
| Наслов | Генеративна Вештачка Интелигенција во Пракса |
| Услуга | Курс |
| Целна група | Било какви организации во приватна или државна сопственост |
| Формат | Настава во живо |
| Фокус на клучни технологии | Вештачка Интелигенција (ВИ), Генеративни алатки за ВИ (на пр. ChatGPT, Gemini, Claude…) |
| Статус | Подготвен за понуда |
| Засегнати страни од МСП/ЈА | Било која организација која има намера да применува алатки за Генеративна ВИ со цел да ја зголеми продуктивноста |
| Барања за учество | Без предуслови; препорачано е основно дигитално знаење |
| Проценето времетраење | Еднодневно |
Опис на курсот
Генеративната ВИ го наоѓа местото во скоро секоја област на работните места како и во секојдневниот живот. Ни помага да го преобликуваме начинот на којшто работиме, и ни дозволува целосно да ја имплементираме нашата креативност. Со оглед на тоа што денешната динамика на работа претрпува промени побрзо од било кога, може да се речи дека станува скоро неопходно да се има познавање како да се употребуваат алатки за Генеративна ВИ на нашето работно место. Овој курс на учесниците ќе им даде познавање за начинот на работа на Генеративната ВИ, и ќе им помогне како таа да ја интегрираат во нивното работно место.
Во овој курс, учесниците првично ќе научат што претставува Генеративната ВИ, и ќе се здобијат со изкуство за најпопуларните модели користени за генерирање на текст, слики и видеа, како што се ChatGPT, Gemini, DeepSeek и други. Посветено е внимание на практичната примена која би им озовможила на корисниците поефективно да ги планираат нивните работни обврски, да автоматизираат некои од активностите, како и да се справуваат со предизвици кои нормално би ги приморале корисниците да бараат надворешна поддршка или пак кои би им одземале многу време. Поважно, обрнато е внимание на т.н. “Prompt” инженерство, т.е. правилниот начин на кој корисниците треба да им зададат инструкција на алатките со цел да ги добијат најдобрите можни резултати.
Тематски целини на обуката
- Вовед во алатки на Генеративна ВИ
- Преглед на најупотребуваните алатки на Генеративна ВИ, со истакнување на нивните клучни способности, ограничувања, како и комерцијална достапност.
- Примена во разни полиња
- Разгледување на тоа како Генеративната ВИ може да се употреби во разни полиња – од оптимизација на текот на работата и помош при доаѓање до идеи, до истражувања во академијата и бизнисот.
- Практична употреба во склоп со традиционални софтвери
- Демонстрација на тоа како алатките за ВИ можат да се користат во комплемент со често користен софтвер, вклучувајќи зачачи како што е измена на Word и Excel документи, генерирање на LaTeX код, и повеќе. Дополнителна дискусија за ограничувањата и достапноста на алатките.
- Основи на “Prompt” инженерство
- Вовед во концептот за “prompt” инженерство, фокусирање на тоа како ефективно да се комуницира со моделите на ВИ со цел да се постигнат оптимални резултати.
- Етика и одговорност при употребата
- Дискусија поврзана со етиката при употребата на Генеративната ВИ, со примери од областите на бизнисот, образованието и истражувачката дејност.
Заклучок и уникатна вредност
Курсот е наменет да им помогне на бизнисите или било кој друг тип на организација да ги искористат популарните алатки на Генеративна ВИ, кои стануваат сé повеќе интегрирани во работните места, или било која друга област. Ги запознава учесниците со различните начини на кои Генеративната ВИ може да се искористи за подобрување на ефикасноста на работното место. На учесниците не им се потребни предзнаења за проблематиката, бидејќи Генеративната ВИ може да се имплементира на работното место, врз задачи со кои тие се веќе добро запознаени.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Вештина 1: Солидно разбирање за технологиите на Генеративната ВИ, вклучувајќи ги нивните способности и ограничувања.
Вештина 2: Докажана способност да се интегрира Генеративната ВИ во работата со цел да се зголеми ефикасноста и креативноста. Вештина 3: Конструирање на ефективни инструкции за моделите на Генеративна Ви со цел да се добијат точни и корисни резултати Вештина 4: Претстава за етичките импликации и одговорност при работата со содржини генерирани од ВИ |
|
| Методи на учење | Предавање, Групни дискусии |