Овој курс е наменет за претприемачи, инженери, дизајнери и стручно до-усовршување на сите кои се заинтересирани за дигитална изработка и иновации. Преку практична работа, курсот ги опфаќа основите на 3Д скенирањето, 3Д печатењето и адитивното производство, вклучувајќи CAD дизајн, работни текови за 3Д печатење, пост-обработка и евалуација на прототипи. Учесниците ќе стекнат практични вештини за дизајнирање, печатење и усовршување на прототипи, со што ќе можат да ги интегрираат 3Д скенирањето и 3Д печатењето во своите работни и развојни процеси.
Преглед на курсот
| Поглавје | Детали |
| Партнер | Унивезитет „Гоце Делчев“ – Штип |
| Наслов | Брз прототипен развој користејќи 3Д скенирање и 3Д печатење |
| Услуга | Курс |
| Целна група | Образовни институции, истражувачи, инженери, мали и средни претпријатија |
| Формат | Работилница |
| Фокус на клучни технологии | 3Д скенирање, 3Д печатење |
| Статус | Подготвен за понуда |
| Засегнати страни од МСП/ЈА | Субјекти заинтересирани за технологии за прототипирање поврзани со 3Д моделирање и 3Д печатење, било за воведување на нови производи или за иновации во образовните процеси. |
| Барања за учество | Потребно е да се поседуваат основни дигитални вештини |
| Проценето времетраење | 8 часа |
Вовед:
Се поголемата побарувачка за побрз развој на производи и прилагодување според потребите на корисниците доведе до широка примена на технологиите за брзо прототипирање. Меѓу нив, 3Д печатењето и 3Д скенирањето се наметнаа како трансформативни алатки кои овозможуваат непречен тек помеѓу дигиталниот и физичкиот свет. 3Д печатењето овозможува брза изработка на физички модели од дигитални дизајни, додека 3Д скенирањето овозможува обратен процес – дигитализација на реални објекти со висока точност. Овој курс ги воведува учесниците во основните принципи и практики на брзо прототипирање користејќи 3Д печатење и 3Д скенирање, нагласувајќи ја нивната комплементарна улога во современиот дизајн и производство. Курсот комбинира теоретски содржини со практична работа, со што учесниците добиваат целосно разбирање на потенцијалите и ограничувањата на модерните технологии за адитивно производство и обратен инженеринг.
Технички контекст и примери
3Д печатењето, односно адитивното производство, го револуционизира начинот на кој се замислуваат, тестираат и развиваат производи. За разлика од традиционалното субтрактивно производство, кое вклучува отсекување на материјал, 3Д печатењето гради објекти слој по слој, овозможувајќи голема флексибилност во дизајнот и ефикасност во користењето на материјалите. Паралелно, 3Д скенирањето овозможува дигитализација на реални објекти, со што се отвораат можности за реверзен инженеринг, прилагодување и документација.
Клучни примени:
- Развој на производи: Старт-апи и мали претпријатија кои користат 3Д скенирање и печатење за брза изработка и тестирање на прототипи или репродукција на компоненти.
- Медицина: Изработка на индивидуализирани протези и анатомски модели со помош на скенирани податоци од пациенти.
- Културно наследство и уметност: Скенирање на артефакти за дигитална конзервација или 3Д репродукција.
- Образование и истражување: Овие технологии поддржуваат практична настава и иновативно размислување во повеќе области.
Подетално објаснување на клучните концепти
По завршувањето на курсот, учесниците ќе стекнат теоретско и практично знаење што ќе им овозможи ефикасно користење на 3Д печатење и скенирање за потребите на брзото прототипирање. Ќе научат како од идеја или реален објект да создадат функционален прототип, користејќи алатки и техники релевантни за секој чекор во процесот.
- Основи на 3Д печатење и 3Д скенирање
Учесниците ќе се запознаат со различните технологии и нивната примена во прототипирање.
- CAD дизајн и моделирање на скенирани објекти
Ќе се научат основни вештини за 3Д моделирање и обработка на скенирани податоци, со цел да се подготват модели за печатење.
- Преглед на целиот работен тек
Од скенирање, преку моделирање, до печатење – учесниците ќе поминат низ целиот процес, вклучувајќи поставување на опрема, чистење на скенови и подготовка за печатење.
- Пост-обработка на физички модели
Учесниците ќе научат како да обработуваат и финализираат прототипи по печатењето.
- Евалуација и итерација на дизајни
Анализа и подобрување на модели врз основа на резултатите од скенирањето и печатењето.
- Трошоци и скалабилност
Ќе се разберат финансиските и логистичките аспекти на примена на овие технологии во реални услови.
- Идни трендови во 3Д технологии
Агенда и очекувани резултати:
Курсот е структуриран да обезбеди баланс меѓу теоретски предавања, практични вежби и групни дискусии. По завршувањето на курсот, учесниците ќе бидат способни самостојно да дизајнираат, прототипираат и усовршуваат функционални 3Д печатени модели, што ќе им овозможи да го интегрираат брзото прототипирање во нивните професионални процеси.
Курсот е организиран во четиридневни сесии (4 дена по 4 часа), кои покриваат основни теоретски концепти и практични вештини.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Учесниците ќе стекнат знаење и вештини, вклучувајќи:
Вештина 1: Разбирање на технологии за адитивно производство и работни текови Вештина 2: Практични вештини за 3Д дизајн за 3Д печатење Вештина 3: Способност за ракување и решавање на проблеми со десктоп 3Д печатачи |
|
| Методи на учење | Придружна литература и документација; достапна по барање или преку платформата за учење. |