Со брзиот развој на технологиите на облак, вештачката интелигенција и Интернетот на нештата (IoT), обезбедувањето на новите дигитални платформи станува клучен приоритет. Овој курс нуди практични насоки за заштита на податоци, апликации и уреди, помагајќи им на ИТ одделите и иноваторите да изградат безбедна инфраструктура за иднината.
Преглед на курсот
| Поглавје | Детали |
| Партнер | Воена академија „Генерал Михаило Апостолски“, Скопје |
| Наслов | Безбедност на новите технологии |
| Услуга | Сајбер безбедност |
| Целна група | ИТ оддели, CTO, Иноватори |
| Формат | Обука со физичко присуство |
| Фокус на клучни технологии | Безбедност на облак, Вештачка интелигенција, Безбедност на IoT |
| Статус | Подготвен за понуда |
| Засегнати страни од МСП/ЈА | ИТ специјалисти, CTO, тимови за иновации |
| Барања за учество | Основни познавања на ИТ инфраструктура и мрежи |
| Проценето времетраење | Дводневен курс (приближно 16 часа) |
Опис на курсот
Вовед
Новите технологии носат големи можности, но и нови безбедносни ризици. Без разлика дали се работи за заштита на апликации во облак, управување со ризиците поврзани со вештачка интелигенција или обезбедување на паметни уреди во IoT екосистеми, неопходно е современ пристап кон сајбер безбедноста.
Технички контекст и примери
Преку реални примери и сценарија, учесниците ќе истражат:
- Како лошо конфигуриран облак доведува до загуба на чувствителни податоци
- Како ВИ системите може да бидат манипулирани
- Како компромитирани IoT уреди може да се користат за напади врз мрежи
Курсот ќе понуди практични алатки, модели за процена на ризик и безбедносни практики за новите дигитални екосистеми.
Детално објаснување на основни концепти
Курсот се фокусира на три главни области:
- IoT безбедност: Разбирање на безбедносните предизвици на поврзаните уреди, ризици од слаб firmware, комуникациски протоколи и стратегија за заштита на IoT мрежи.
- Вештачка интелигенција и сајбер закани: Идентификација на ризици поврзани со обработка на податоци од ВИ системи, deepfakes и ризик од автоматизирани системи.
- Безбедност на облак: Клучни принципи на заштита на податоци во облачни платформи (AWS, Azure, GCP), имплементација на DevSecOps практики и усогласеност со стандарди како GDPR и ISO 27001.
Програмата вклучува теоретски делови, лабораториски вежби и анализи на случаи за примена на стекнатите знаења.
Тематски целини на обуката
Модул 1: Вовед во безбедност на нови технологии
- Преглед на безбедносните предизвици
- Еволуција на напади врз нови технологии
Модул 2: Безбедност на Интернет на нештата (IoT)
- Најчести IoT ранливости и напади
- Најдобри практики за заштита на уреди и мрежи
- Реални примери на IoT инциденти
Модул 3: Вештачка интелигенција и сајбер закани
- Безбедносни ризици кај машинско учење и автоматизирани системи
- Превенција на злоупотреба на ВИ системи
Модул 4: Заштита на податоци и апликации во облак
- Принципи на безбедност на облак
- Практики за заштита на облачни апликации
Модул 5: Практични вежби и симулации
- Идентификација и намалување на IoT ризици
- Анализа на безбедносен инцидент поврзан со ВИ
- Конфигурација на основни безбедносни поставки во облак
Модул 6: Стратегии за унапредување на безбедноста на нови технологии
- Примена на DevSecOps
- Континуирано следење и реагирање на инциденти
- Политики за усогласеност и стандардизација
Модул 7: Финален испит и преглед
- Практичен тест на знаењата
- Повратни информации и дискусија
- Преглед на клучни концепти и препораки
Заклучок и уникатна вредност
По завршување на курсот, учесниците ќе имаат способност да проценат ризици, да имплементираат безбедносни мерки и да ја зајакнат отпорноста на нивните организации кон современи сајбер закани.
Комбинацијата на теорија, практични вежби и анализа на реални случаи ќе им овозможи да ја применат безбедноста проактивно и стратешки.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| • Идентификација на ранливости во системите на интернет на нештата, вештачка интелегенција и системи на облак
• Примена на безбедносни политики и стандарди • Разбирање на модели за споделена одговорност во облак • Превенција на злоупотреба на нови технологии |
|
| Методи на учење | • Предавања и теоретски лекции
• Практични симулации и анализи • Групни дискусии и размена на искуства |
| Референци/ Ресурси | • NIST Guidelines for IoT Security
• ENISA Recommendations on AI Security • Cloud Security Alliance (CSA) Resources |