Курсот се фокусира на развојот на виртуелни инструменти преку користење на графичкиот програмски јазик LabVIEW. Курсот покрива: графичко програмирање, модуларен дизајн, прибирање податоци од сензори, комуникација со хардвер, работа со датотеки и др. Слушателите ќе стекнат практични вештини за развој на апликации за мерење и автоматизација за реална примена.
Преглед на курсот
| Поглавје | Детали |
| Партнер | Универзитет „Св. Кирил и Методиј“ во Скопје, Факултет за електротехника и информациски технологии |
| Наслов | Аквизиција на податоци со виртуелна инструментација во LabVIEW |
| Услуга | Курс |
| Целна група | Процесни инженери, образовни институции, истражувачи, мали и средни претпријатија |
| Формат | Работилница |
| Фокус на клучни технологии | Виртуелна инструментација, LabVIEW |
| Статус | Подготвен за понуда |
| Засегнати страни од МСП/ЈА | Компании кои имаат потреба од прибирање податоци од различни сензори, системи или процеси со помош на виртуелна инструментaција, како и образовни институции кои се стремат да ги модернизираат своите методи на учење и да го поддржат усовршувањето на наставниците/професионалците. |
| Барања за учество | Основни компјутерски вештини; основно познавање на сензори, мерни системи и обработка на сигнали. |
| Проценето времетраење | 18 часа |
Опис на курсот
Овој курс нуди вовед во виртуелна инструментaција користејќи LabVIEW со фокус на прибирање податоци и интеграција во виртуелни мерни системи.
LabVIEW е моќна графичка програмска средина која се користи широко во индустријата и академијата за развој на автоматизирани системи за тестирање, мерење и управување. Овој курс ќе ги оспособи учесниците за дизајнирање виртуелни инструменти кои прибираат, анализираат и презентираат податоци од различни сензори, системи и процеси.
Практичните аспекти од курсот се фокусира на добивање знаења за создавање виртуелни инструменти со користење картички за аквизиција на податоци и вградливи микрокомпјутерски системи. Темите вклучуваат конфигурација на системите за аквизиција, поврзување со надворешен хардвер, комуникациски протоколи и читање/запишување податоци во датотеки за работа во реално време.
Прелиминарна агенда:
Ден 1 – Вовед во LabVIEW
- Преглед на LabVIEW околината, преден панел и блок дијаграм
- Типови на податоци, контроли/индикатори, поврзување и поток на податоци
- Структури: For, While, Case структура, поместувачки регистри
- Променливи, алатки за откривање грешки и практични вежби
Ден 2 – Програмски концепти и прибирање податоци
- Модуларно програмирање, под-виртуелни инструменти корисничко-дефинирани контроли
- Програмски архитектури: едноставна, генерална, машина на состојби
- Вовед во системи за аквизиција на податоци, конфигурација на аналогни и дигитални влезно/излезни канали
- Дигитални сигнали, тајмери, земање одбироци, визуализација на податоци
Ден 3 – Комуникација, запис во датотеки и интеграција на системи
- Комуникациски интерфејси (USB, серијски, TCP/IP), интеграција на хардвер
- Операции со датотеки: податочен стриминг, читање/пишување ASCII, CSV, TDMS
- Напредни примери: повеќеканално следење и обработка на податоци
- Развој на финален проект, прашања и одговори, завршување на курсот
По завршувањето на курсот, учесниците ќе бидат способни самостојно да развиваат апликации базирани на LabVIEW за автоматизирано мерење и управување. Курсот нуди силна практична применливост, поврзувајќи академската теорија со индустриските потреби. Курсот е исклучиво корисен за инженери, едукатори и техничари кои сакаат да ги подобрат своите вештини во дигитализацијата и виртуелната инструментација.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Вештина 1: Развој на виртуелни инструменти во LabVIEW
Вештина 2: Способност за прибирање, складирање и визуелизација на податоци од различни сензори и системи Вештина 3: Знаења за инструментациски комуникациски интерфејси и интеграција на мерни системи |
|
| Методи на учење | Придружна литература и документација; достапна по барање или преку платформата за учење. |