Курсот е наменет за економските оператори кои ставаат производи на пазарот, а посебно електрични уреди, но и за инспекторите и за други чинители на пазарот. Тие ќе добијат увид во техничките и законските барања за производите и ќе научат како да го најдат патот кон CE сообразност на производите.
Преглед на курсот
| Поглавје | Детали |
| Партнер | Универзитет „Св. Кирил и Методиј“ во Скопје, Факултет за електротехника и информациски технологии |
| Наслов | CE сообразност преку пример за електромагнетна компатибилност на електрична опрема |
| Услуга | Курс |
| Целна група | стартапи, индустрија, јавна администрација |
| Формат | настава во живо (опционално on-line) |
| Фокус на клучни технологии | CE електромагнетна компатибилност |
| Статус | Подготвен за понуда |
| Засегнати страни од МСП/ЈА | МСП, инспекции |
| Барања за учество | без предуслови |
| Проценето времетраење | 4 часа |
Опис на курсот
Секој економски оператор, а посебно операторите за електрична и електронска опрема е заинтересиран за поставување на знакот CE на својот производ. Знакот им сигнализира на корисниците дека производот е сообразен со европското законодавство, а сообразноста е суштинска за слободното движење на производите на европскиот пазар.
Северна Македонија е кандидат за члинство во ЕУ и ја странсформира својата легислатива кон компатибилност со легислативата на ЕУ. Постојат бројни мали претпријатија кои што се надеваат да пласираат производи на Европскиот пазар. Тие треба да ги усвојат суштинските принципи потребни за да понудат сообразни производи. Македонија ги усвои последните IEC (и други) стандарди во соодветните подрачја и го донесе Законот за техничките барања за производите и за испитување на сообразност, како и Законот за општа безбедност на производите. Исто така има нови правилници за електромагнетна компатибилност, лифтови, опрема под притисок итн. Тие ја специфицираат можноста но и условите под кои економските оператори можат да постават знак за CE сообразност.
Факултетот за електротехника и информациски технологии е активен учесник во овие процеси и има стекнато солидно искуство во областа. Тој исто така поседува опрема за тестирање на EMC. Трансферот на знаење, барем во основните елементи, е основната цел на овој курс.
Ќе бидат презентирани некои случаи од практиката за несообразност и нивните последици за да се укаже на оправданоста од легислативата. Ќе бидат дадени дефиниции на основните поими и ќе бидат дискутирани обврските на економските оператори. Во рамките на презентацијата на директивите за основните барања ќе биде разгледана алатка што може да послужи за навигација низ барањата и избор на директиви што се применливи за одреден продукт.
Како посебен случај ќе биде дискутирана Директивата за електромагнетна компатибилност. (Кај електричните уреди, апарати и инсталации таа вообичаено е придружена со Директивата за опрема во одреден напонски опсег.) Посебно внимание ќе биде посветено на стандардите што треба да се консултираат и применат при проектирањето и развојот на уредите, но и примената на систем за квалитет при производството. Ќе биде дискутирана и Декларацијата за сообразност и знакот СЕ што треба да го придружува секој производ.
Ќе бидат презентирани и примери на тестирање за утврдување на сообразноста.
Прелиминарна агенда
- Некои проблеми и нивните последици пред Новата Законска Рамка во ЕУ
- Обврски на економските оператори и другите чинители на пазарот
- ЕУ директиви за суштинските барања
- Синиот водич за испомош во примената на директивите
- Алатка за избор на директиви што се применливи за одреден продукт
- Вовед во Директивите за електромагнетна компатибилност (и за опрема во определен напонски опсег)
- Примена на стандардите како патека кон подразбрана сообразност
- Систем за квалитет при производството како гаранција за сообразност
- Акредитирани тела за сертификација на сообразност
- Декларација за сообразност и знакот СЕ
- примери за тестирање во доменот на електромагнетна компатибилност: Имуност на електростатски празнења, Напонски пропади и варијации …
- Пример за климатски тест (опционо)
Специфична вредност на овој курс е организираниот пристап кон комбинираната материја на легислатива и технички барања со која се соочуваат економските оператори во однос на своите производи. Таа е прво нешто што производителите треба да го проверат кога имаат идеја за нов продукт (за развој и) за ставање достапен на пазарот, како на европскиот, така и во Република Северна Македонија.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Вештина 1: Дефинирање на техничките барања што треба продуктите да ги задоволат
Вештина 2: Познавање на својата позиција во однос на другите чинители на пазарот Вештина 3: Методологии со кои се обезбедува производството да биде во согласност со барањата за сообразност Вештина 4: Увид во тестирање за СЕ сообразност |
|
| Методи на учење | предавања, демонстрација, групна дискусија |