Дигиталната трансформација фокусирана на пристапност

Истражете како пристапноста е клучен дел од инклузивната дигитална трансформација! Научете ги принципите на дигитална пристапност, клучните стандарди како WCAG и како да интегрирате пристапни практики за дизајн и развој во дигитални производи и услуги. Преку практични активности и примери од реалниот свет, присутните ќе стекнат практични вештини за да создадат поинклузивни дигитални искуства за сите.

Според новиот закон за пристапност на мобилните и веб платформите во јавниот сектор на Македонија, јавниот сектор е обврзан нивните дигитални услуги (мобилни и веб апликации) да ги направи пристапни за сите корисници, вклучувајќи ги и лицата со попреченост. Оваа легислатива е во согласност со европската директива за веб пристапност, прикажувајќи ја посветеноста на Македонија да се усогласи со стандардите за пристапност во Европската Унија. Како земја која цели кон усогласување со европските закони, се очекува и усогласување со Европскиот Акт за Пристапност, според кој дигиталните продукти и услуги од приватниот сектор исто така треба да се усогласени со стандардите за пристапност почнувајќи од јуни 2025 година.

Како што дигиталната трансформација забрзано се проширува во јавниот и приватниот сектор, обезбедувањето дигитална пристапност повеќе не е изборно – тоа е стратешки, правен и етички императив. Овој 4-дневен курс е специјално дизајниран за мали и средни претпријатија (МСП), како и за јавната администрација (JA) кои сакаат да ги направат нивните дигитални производи и содржини достапни за сите корисници, вклучувајќи ги и  лицата со посебни потреби.

Без разлика дали управувате со веб-страницата на компанијата, нудите дигитални јавни услуги или развивате мобилни и веб-апликации, овој курс ќе ви овозможи суштинско знаење за да ја вградите пристапноста во вашиот производ или услуга. Ќе стекнете практично разбирање за стандардите за пристапност, ќе научите како да ги процените и подобрите вашите постоечки ресурси и како да ја интегрирате пристапноста во понатамошни дигитални иницијативи.

• Зошто е важна пристапноста во дигиталниот свет?
  • Дигитална пристапност: што е и зошто е важна?
  • Бариери со кои се соочуваат лицата со попреченост како корисници на дигиталните алатки
  • Универзален дизајн во дигиталната сфера
  • The business, legal, and social case for accessible digital services?
  • Улогата на пристапноста во дигиталната иновација и инклузија
• Стандарди за пристапност и усогласување со истите
  • Запознавање со стандардите за веб пристапност
  • Национални и интернационални закони (EN 301 549, ADA, EAA)
  • Примена на принципите за пристапност при развој на мобилни и веб апликации
  • Ризици и бенифиции при усогласувањето со стандардите за пристапност
• Практична примена на пристапноста во креирањето на дигитална содржина
  • Веб сајтови кои се читливи, лесни за навигација и прифатливи за сите
  • Креирање достапни дигитални документи (Word, PDF, PowerPoint)
  • Најдобри практики за пристапна мултимедија (наслови, транскрипти, аудио описи)
  • Брзи подобрувања со ниски трошоци за мали тимови и јавни тела
• Вградување на пристапност во вашите дигитални проекти
  • Инкорпорирање на пристапноста во набавките, планирањето и развојот на производите
  • Усогласување на пристапноста со агилни и дигитални методологии за дизајнирање на услуги
  • Како да се оцени и тестира пристапноста (автоматски алатки и рачни техники)
  • Креирање стратегија за одржлива пристапност за вашата организација

До крајот на овој курс, учесниците ќе бидат опремени со вештини и алатки за да го направат нивното дигитално присуство поинклузивно, погодно за корисниците и усогласено – помагајќи им на нивната организација да им служи на сите, без оглед на способноста.