1. Право да аплицираат за овој Јавен повик имаат:
- Микро, мали и средни претпријатија (МСП),
- Институции од јавниот сектор кои не вршат економска дејност
2. Времетраење на jавниот повик
Јавниот повик ќе биде отворен од 15 април 2025 година до 31 декември 2028 година или до искористување на предвидените средства.
3. Вкупен буџет на повикот
Вкупниот буџет за распределба во рамките на јавниот повик изнесува 1.969.955,60 евра.
Европската комисија обезбедува 50% од грантот за кофинансирање на проектот преку програмата Дигитална Европа 2021-2027 (DIGITAL), додека останатите 50% се обезбедени од Министерството за дигитална трансформација на Република Северна Македонија.
4. Видови на услуги кои ги нуди ЕДИХ-от
Во согласност со одредбите на Програмата за дигитална Европа 2021-2027, Европските дигитални иновациски хабови обезбедуваат услуги за поддршка на јавниот и приватниот сектор во процесот на дигитална трансформација на економијата и општеството, како и за поттикнување на иновациите. Услугите што ги нуди ИНОФЕИТ ЕДИХ опфаќаат:
- Тестирање пред инвестирање – Овозможување на тестирање и експериментирање со дигитални технологии, производи и услуги, со цел проценка на нивната изводливост и ефективност пред финалното инвестирање.
- Развој на дигитални вештини и обуки – Организирање на обуки и краткорочни програми за усовршување и надградба на напредни дигитални вештини релевантни за процесот на дигитална трансформација.
- Поддршка за пристап до финансиски ресурси – Овозможување пристап до финансиски извори, вклучувајќи финансиски институции, инвеститори и различни финансиски механизми и инструменти.
- Вмрежување и зајакнување на иновацискиот екосистем – Поттикнување на соработка и размена на знаења помеѓу членовите на конзорциумот, корисниците на услугите на ИНОФЕИТ ЕДИХ и пошироката иновациска заедница, со цел забрзан технолошки развој и имплементација на иновативни решенија.
5. Ценовник на услугите на ИНОФЕИТ ЕДИХ
Ценовникот, кој ги содржи пазарните цени на услугите и висината на попустот за различни категории на услуги, е даден во Додаток 1 од овој јавен повик. Корисникот ја добива услугата БЕСПЛАТНО.
6. Вредност на доделената државна помош
Вредноста на државната помош се пресметува како 50% од цената на услугата утврдена во ценовникот.
7. Целните корисници за кои ИНОФЕИТ ЕДИХ ги прилагоди своите услуги ги опфаќаат секторите:
- Паметно земјоделство и преработка на храна со повисока додадена вредност
- Паметни/одржливи згради и материјали,
- Електрична опрема и машински делови (Индустрија 4.0),
- Енергија за иднината.
Дополнително, прифатливи се и МСП од други сектори кои сакаат да го унапредат своето знаење, да применат нови технологии и да ја зголемат профитабилноста, при што посебно се охрабруваат апликации од компании кои придонесуваат за одржливост на животната средина и целите на Европскиот Зелен Договор.
8. ИНОФЕИТ ЕДИХ даватели на услуги
Давателите на услуги наведени во точка 4 од овој Јавен повик се следните членови на конзорциумот на ИНОФЕИТ ЕДИХ:
- Центар за трансфер на технологии и иновации ИНОФЕИТ
- Универзитет „Св.Кирил и Методиј“ Скопје
- Универзитет „Гоце Делчев„ Штип
- Универзитет „Св.Климент Охридски„ Битола
- Универзитет „Гоце Делчев„ Штип, Воена академија генерал „Михаило Апостолски“ Скопје
- Друштво за посредување и консалтинг Солвео- Скопје
- Сојуз на стопански комори на Македонија Стопанска интересна заедница Скопје (ССК)
- Здружението на преработувачи на Овошје и Зеленчук (МАП)
- Друштво за електроника, дизајнирање и производство „Микросам“ Прилеп
- Друштво за информациски и комуникациски решенија „Контрон“ Скопје
- Интерспејс Скопје
9. Документи за аплицирање
Симнете ги формуларите за апликација за категоријата која сакате да аплицирате. *
* За аплицирање за услугата „Потврда на концепт и прототипи“ (Proof of concept) која е дел од категоријата Тестирање пред инвестирање , потребно е пред симнувањето на документите за апликација да го пополните задолжителниот онлајн формулар за интерес после што ќе добиете повратна информација за можноста за давање на конкретната услуга.
10. Пополнување и комплетирање на документацијата за апликација
За мали и средни претпријатија:
- Барање за добивање на соодветната услуга
- Изјава за прифаќање на условите
- Изјава за добиена државна помош во последните 3 години
- Тековна состојба (Централен регистар) – не постара од 6 месеци
За јавни институции кои не вршат економска дејност:
- Барање за добивање на соодветната услуга
- Изјава за прифаќање на условите
- Изјава дека не вршат економска дејност
- Тековна состојба (Централен регистар) – не постара од 6 месеци
11. Апликациите за Јавниот повик се поднесуваат на следниов начин:
- Оригиналните формулари и документи, потпишани со електронски потпис, испратете ги на [email protected].
- Оригиналните потпишани документи доставете ги по пошта или лично на:
Центар за трансфер на технологии и иновации ИНОФЕИТ,
ул. Ругер Бошковиќ 18, Скопје
(со назнака „Апликација за Јавен повик на ИНОФЕИТ ЕДИХ“).
Пред да ја пополните и поднесете апликацијата, ве советуваме да нè контактирате преку „Контакт-формата“ или на е-пошта [email protected]. Нашиот тим ќе ви помогне во изборот на соодветни услуги и ќе го олесни процесот на аплицирање.
Апликацијата на секој корисник ќе биде евалуирана и корисникот ќе биде известен за резултатот од евалуацијата и понатамошните чекори.