1. Што е ИНОФЕИТ ЕДИХ?
ИНОФЕИТ ЕДИХ е Европски Дигитален Иновациски Хаб кој обезбедува поддршка за дигитална трансформација на мали и средни претпријатија (МСП) и јавни институции во Северна Македонија.
2. Која е улогата на ИНОФЕИТ ЕДИХ во создавањето на иновацискиот екосистем во регионот?
ИНОФЕИТ ЕДИХ има клучна улога во развојот на иновацискиот екосистем во Северна Македонија и во регионот. ИНОФЕИТ ЕДИХ активно поттикнува, поддржува и олеснува имплементација на различни дигитални технологии, овозможувајќи побрза и поефикасна дигитална трансформација на локално, регионално и национално ниво.
3. Кој го сочинува конзорциумот ИНОФЕИТ ЕДИХ?
Конзорциумот на ИНОФЕИТ ЕДИХ го сочинуваат реномирани академски и истражувачки институции, технолошки компании, комори и здруженија кои заеднички работат на поддршка на дигиталната трансформација во Северна Македонија и регионот: ИНОФЕИТ, УКИМ, УГД, УКЛО, Војна академија, Сојуз на стопански комори, Македонска асоцијација на преработувачи, Солвео, Микросам, Контрон, Интерспејс.
4. Кои услуги ги нуди ИНОФЕИТ ЕДИХ?
Нудиме обуки за дигитални технологии, тестирање на технологии пред инвестирање, поддршка за пристап до финансии, советување за грантови, менторство за стартапи и можности за вмрежување.
5. Кој може да ги користи услугите на ИНОФЕИТ ЕДИХ?
Нашите услуги се наменети за стартапи, микро, мали и средни претпријатија (МСП) и јавни институции кои не вршат економска дејност кои сакаат да ја подобрат својата дигитална конкурентност.
6. Што значи микро, мало и средно претпријатие (МСП)?
Категоријата микро, мали и средни претпријатија (МСП) ги опфаќа компаниите кои имаат помалку од 250 вработени и годишен приход што не надминува 50 милиони евра и/или годишeн биланс што не надминува 43 милиони евра.
7. Во кои сектори примарно се даваат услугите?
Нашите услуги се насочени кон МСП и јавни институции кои не вршат економска дејност во повеќе индустриски сектори, но фокусот главно е на:
- Паметно земјоделство и преработка на храна со повисока додадена вредност
- Паметни/одржливи згради и материјали,
- Електрична опрема и машински делови (Индустрија 4.0),
- Енергија за иднината.
8. Кои технологии се опфатени во вашите услуги?
Опфатени се технологии како вештачка интелигенција (AI), Интернет на нештата (IoT), сајбер-безбедност, автоматизација, анализа на податоци, дигитални близнаци (Digital Twin) и други напредни технологии.
9. Дали услугите се бесплатни?
Да, благодарение на кофинансирањето од Европската комисија и Владата на Северна Македонија, услугите се бесплатни за МСП и јавните институции кои не вршат економска дејност.
10. Дали корисниците на услугите на ИНОФЕИТ ЕДИХ се корисници на државна помош?
МСП што ги користат услугите на ИНОФЕИТ ЕДИХ се сметаат за корисници на државна помош, во износ од 50% од вредноста на услугата.
Јавните институции кои не вршат економска дејност не се сметаат за корисници на државна помош. За нив не се применуваат правилата за државна помош.
11. Каде се објавени цените на услугите на ИНОФЕИТ ЕДИХ?
Ценовникот на услугите е составен дел од јавниот повик. Напоменуваме дека, благодарение на поддршката од Европската комисија и Владата на Северна Македонија, услугите се бесплатни за МСП и јавните институции кои не вршат економска дејност.
12. Како можам да се пријавам за користење на услугите на ИНОФЕИТ ЕДИХ?
ИНОФЕИТ ЕДИХ објавува јавен повик за сите достапни услуги. Можете да поднесете пријава согласно начинот и условите пропишани во јавниот повик.
Пред самата пријава, препорачуваме да нè контактирате преку формуларот на веб-страницата www.innofeit-edih.mk, на е-пошта [email protected] или да закажете состанок со нашиот тим.
13. Дали ИНОФЕИТ ЕДИХ нуди финансиска поддршка за бизнисите?
Не нудиме директно финансирање, но обезбедуваме консултации за грантови, пристап до инвеститори и менторство за стартапи во процесот на привлекување финансии.
14. Како можам да станам дел од мрежата на ИНОФЕИТ ЕДИХ?
Можете да станете дел од нашата мрежа преку учество во обуки, настани, проекти или соработка со нашите експерти и партнери.
15. Каде се наоѓа ИНОФЕИТ ЕДИХ?
Нашиот центар е лоциран во Скопје, во рамките на ИНОФЕИТ при ФЕИТ, но преку партнерите во конзорциумот, нашите услуги се достапни на национално ниво.
16. Како да контактирам со вас?
Можете да не контактирате преку нашата веб-страница, e-mail или телефонски. Деталите за контакт се достапни во делот „Контакт“.