Во просториите на ИНОФЕИТ, на 8 мај 2025 се одржа настанот „Пристап до финансии за успешна дигитализација“, во организација на Солвео и Европскиот Дигитален Иновациски Хаб – ИНОФЕИТ-ЕДИХ.
Настанот обедини претставници од МСП (мали и средни претпријатија), институции и меѓународни организации, со една заедничка цел – да го олесниме пристапот до финансии за раст и иновации.
Настанот го отворија Иван Зографски, ко-основач на Солвео и финансиски консултант, и проф. д-р Димитар Ташковски, координатор на ЕДИХ, кои истакнаа дека пристапот до финансии е клучен чекор за забрзување на дигитализацијата кај македонските компании.
На панел-дискусиите се говореше отворено за достапните фондови, предизвиците со кои се соочуваат малите и средни претпријатија, и како европските и меѓународни програми можат да помогнат во забрзување на нивниот дигитален пат.
Настанот заврши со вмрежување, многу нови идеи и конкретни чекори напред.
Back
