Откријте како генеративната AI може да го трансформира вашето секојдневно работење! Научете како да ја зголемите креативноста и да ја подобрите продуктивноста со алатки како ChatGPT и Microsoft Copilot 365. Развијте вештини за prompt engineering и искористете го целосниот потенцијал на AI-генерираните решенија.
Преглед на курсот
| Поглавје | Детали |
| Партнер | Факултет за електротехника и информациски технологии |
| Наслов | Примена на генеративна AI во секојдневното работење |
| Услуга | Курс |
| Целна група | МСП, индустрија, јавна администрација |
| Формат | Вебинар / Настава во живо |
| Фокус на клучни технологии | Вештачка интелигенција (AI) |
| Статус | Подготвен за понуда |
| Засегнати страни од МСП/ЈА | Бизнис лидери и IT професионалци од МСП, индустрија и јавни институции и сите оние кои се заинтересираи за усвојување на AI и дигитална трансформација на нивното секојдневно работење. |
| Барања за учество | Основно познавање на секојдневните работни процеси / не е потребно предзнаење од AI |
| Проценето времетраење | 5 часа |
Опис на курсот
Генеративната вештачка интелигенција (AI) значително го трансформира секојдневното работење преку автоматизација на задачи, поттикнување на креативноста и поддршка при донесување на одлуки базирани на податоци. Со сè поголемото усвојување на AI технологиите, организациите треба да ги разберат нивните можности, ограничувања и реални примени за да останат конкурентни.
Овој курс претставува вовед во генеративната AI, нудејќи знаење и практични алатки за нејзина примена во секојдневното работење. Учесниците ќе се запознаат со различни AI модели за генерирање текст, слики, говор, музика и видео, и ќе научат како да ги користат за оптимизација на работните процеси, зголемување на ефикасноста и создавање нови можности за раст и иновации. Курсот опфаќа клучни концепти и практични апликации, вклучувајќи:
- Основи на LLM – преглед на основите на невронските мрежи, јазичните модели и како тие се развиле во големи јазични модели (LLM). Ќе ја истражиме архитектурата и функционалноста на овие модели, вклучувајќи ги клучните напредоци како оние направени од ChatGPT.
- Потенцијал и ограничувања на LLM – ќе разговараме за апликациите од реалниот свет, осврнувајќи се на тековните ограничувања за да добиеме избалансиран преглед врз способностите на вештачката интелигенција. Ќе развиеме и вештини за критичко размислување корисни за евалуација на генерираните одговори.
- Практични вежби и дискусии за примена на ChatGPT во задачи како што се генерирање идеи, истражување на пазарот, развој на бизнис стратегии, брендирање, креирање веб-содржини, итн.
- Практична работа со Microsoft Copilot 365, и негова интеграција во апликациите на Microsoft како Word, Excel, PowerPoint и Outlook.
- Prompt engineering – техника која ќе им овозможи на учесниците поефикасно да комуницираат со AI алатките. Учесниците ќе научат како правилно да формулираат прашања и инструкции за максимизирање на точноста и релевантноста на AI-генерираните резултати.
- Етичко користење на AI, приватност, безбедност и локални LLM модели – ќе дискутираме за безбедна и свесна примена на LLM во бизнис средини, со акцент на приватност на податоците. Исто така ќе дискутираме за можностите за поставување на локални LLM со сервери како Ollama.
Програмата комбинира интерактивни предавања, студии на случај и практични вежби, со цел учесниците да стекнат применливо знаење и вештини. По завршувањето на курсот, тие ќе бидат подготвени да ја интегрираат генеративната AI во своето секојдневно работење за зголемување на ефикасноста и иновативноста.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Вештина 1: Разбирање на основите на генеративната AI и нејзиното влијание врз секојдневните работни процеси
Вештина 2: Идентификување на потенцијални примени на AI во секојдневното работење Вештина 3: Развој на AI стратегии усогласени со оперативните цели и потреби на организацијата Вештина 4: Примена на техники на prompt engineering за оптимизирање на перформансите и релевантноста на AI-генерираните резултати Вештина 5: Разгледување на аспекти на приватност, безбедност и усогласеност при користење на AI во секојдневното работење |
|
| Методи на учење | Предавања, практични вежби, групни дискусии |