Овој курс нуди преглед и теоретска позадина на индустриските манипулаторски роботи, и практични вежби за програмирање и управување на индустриски роботски манипулатор, како и негово интегрирање во индустриски процес. Учесниците ќе стекнат и знаења за стандардите за безбедност и за идните трендови во роботиката. Курсот е спроведен од ИАСИ при ФЕИТ.
Преглед на курсот
| Поглавје | Детали |
| Партнер | Факултет за електротехника и информациски технологии – ФЕИТ |
| Наслов | Индустриска роботика |
| Услуга | Курс |
| Целна група | Индустрија, инженери |
| Формат | Настава во живо |
| Фокус на клучни технологии | Роботика |
| Статус | Подготвен за понуда |
| Засегнати страни од МСП/ЈА | Инженери, оператори и професионалци кои работат во производствената индустрија, и кои се заинтересирани за развивање и подобрување на нивните познавања и вештини за програмирање и управување на индустриски роботски манипулатори |
| Барања за учество | Основно познавање на програмирање и техничка позадина, препорачани се и одредено искуство во индустрија и основно познавање на индустриски системи |
| Проценето времетраење | 16 часа |
Опис на курсот
Вовед
Овој курс нуди практичен и фокусиран вовед во индустриската роботика, наменет за професионалци кои сакаат да ги изградат или унапредат своите вештини во програмирање, интеграција и контрола на индустриски роботи. Комбинирајќи теорија и практична работа со реална опрема, учесниците ќе стекнат сигурност во работа со манипулатори во реални услови.
Технички контекст и примери
Индустриската роботика игра клучна улога во автоматизацијата, а од техничкиот кадар се очекува да разбира како работат роботите, како се програмираат и како се интегрираат со други системи. Курсот користи индустриска роботска рака и симулација на производствена ќелија. Учесниците ќе работат со координатни системи, програмирање на движења и размена на сигнали меѓу роботот и PLC. Преку практични примери, ќе извршуваат задачи, ќе дебагираат и ќе оптимизираат. Ќе се воведат и безбедносни стандарди за работа со роботи, како и преглед на идните трендови како колаборативни роботи, визуелни системи и улогата на роботиката во Индустрија 4.0.
Детално објаснување на основните концепти
На почеток, учесниците ќе стекнат поим за структурата на манипулатори, кинематика, планирање на траектории и координатни системи. Ќе се посвети внимание на користење на координатни рамки во контролата на движење. Потоа следи вовед во стандардите за безбедност според меѓународни норми. Централниот дел е практичен и се состои од програмирање и користење на соодветен софтвер за креирање програми за основни задачи, интегрирање роботска рака со PLC, и симулирање реален индустриски процес. Преку примери ќе се обработат дебагирање, справување со грешки и оптимизација. Курсот завршува со преглед на идни насоки во роботиката: флексибилна автоматизација, колаборативни системи и интелигентни роботи.
Тематски целини на обуката (4 дена × 4 часа)
1 ден:
Вовед во индустриска роботика
Преглед на манипулатори, кинематика, траектории, координатни системи
Безбедносни стандарди
2 ден:
Основи на програмирање на роботи
Запознавање со користен софтвер
Основни практични задачи
3 ден:
Напредни задачи
Интеграција со PLC (I/O, логика)
Симулирање на производствена ќелија
4 ден:
Дебагирање и решавање проблеми
Ревизија и кратка практична задача
Дискусија за идни трендови во роботикатаs
Заклучок и уникатна вредност
Курсот овозможува интензивно практично искуство со професионална опрема, идеален за инженери и техничари кои сакаат да ги надградат своите вештини. Комбинирајќи теорија, алати од реалниот сектор и насоченост кон иднината, учесниците ќе бидат подобро подготвени за примена и одржување на роботски системи во индустријата.
Дополнителни информации за курсот
| Категорија | Детали |
| Стекнати вештини | Учесниците ќе стекнат знаења и вештини, вклучувајќи: |
| Вештина 1: Разбирање на основите на роботски манипулатори;
Вештина 2: Основна оспособеност за програмирање на роботи; Вештина 3: Интеграција на робот со ПЛУ; Вештина 4: Практична детекција и корекција на грешки; Вештина 5: Сигурност во работни простори со роботи; Знаење: Запознавање со актуелни трендови во индустриската роботика. |
|
| Методи на учење | Предавања, практични вежби (индивидуални и во групи), групни дискусии |
| Референци и ресурси | Наставните ресурси, материјали и клучни референци ќе бидат споделени за време на самиот курс од страна на спроведувачот (Институт за автоматика и системско инженерство, Факултет за електротехника и информациски технологии). |
| Слајдови | Слајдовите, литературата и документацијата кои ќе бидат достапни за слушателите се оригинално развиени од страна на спроведувачот (Институт за автоматика и системско инженерство, Факултет за електротехника и информациски технологии. |