Датум: 31 мај – 11 јуни 2025
Локација: ИНОФЕИТ, Скопје @ FEEIT Rugjer Boskovikj 18
Пријава: https://docs.google.com/forms/d/e/1FAIpQLSeE4JgAh_Q4GJXXT30UCGVDLnvEiCwFiBWsaPOgq8kS1Zd6fg/viewform?usp=header
Ве покануваме да се пријавите на летната школа „Електромобилност и иновации“, која ќе се одржи во периодот од 31 мај до 11 јуни 2025 година, во организација на Солвео и европскиот проект evolvEV, со поддршка од Европскиот Дигитален Иновациски Хаб – ИНОФЕИТ ЕДИХ.
Школата е наменета за студенти на УКИМ од различни академски области кои се заинтересирани за електрични возила, иновации и претприемништво. Таа нуди можност за интердисциплинарна соработка, практична примена на знаење и развој на иновативни решенија за одржлива мобилност.
Програмата вклучува:
- Предавања од експерти од академијата, индустријата и стартап екосистемот
- Работилници за развој на бизнис концепти
- Менторски сесии и тимска работа на идеи
- Финален натпревар со презентација на решенија пред жири
Учесниците ќе работат во мали тимови на идеи поврзани со електромобилноста – производи, услуги или дигитални алатки – со фокус на нивна практична примена и пазарен потенцијал.
Зошто да се пријавите?
- Ќе стекнете знаења за електромобилност, одржлива технологија и иновации.
- Ќе работите со ментори и експерти во интердисциплинарни тимови.
- Ќе развиете конкретна идеја и ќе ја презентирате пред професори, претприемачи и претставници од индустријата.
- Ќе станете дел од мрежата на студенти и професионалци кои работат на иднината на одржливата мобилност.
Програма за школата
- 31.05.2025 и 02.06.2025 – Предавања и воведни активности
- 09–11.06.2025 – Интензивна работилница и финален натпревар
Детална програма: EvolvEV Summer School Agenda
*Дозволено е отсуство од еден ден од работилницата.
*Пријавувањето е бесплатно и отворено само за студенти на УКИМ.